நாளைய உலகம் கம்யூட்டர் பிடிப்பவர் கையில்...

–
தமிழர்களே
அலங்காநல்லூர்
தமிழர்களே
முட்டி மோதி ஓடி…விழுந்து
அடிபட்டு உடல் ஊனமாகி
உயிரும் போகிறதே
–
துண்டுக்கும் மாலைக்கும்
பொன்னுக்கும் பொருளுக்கும்
சோரம் போவது
சோகமில்லையா
–
அலங்காரப் பந்தலில் அமர்ந்து
மீசைமுறுக்கும்
பண்ணையார்கள்
அடக்கியதுண்டா
மாட்டை?
–
கொம்பு சீவி…சரக்கேற்றி
வெறியூட்டி வளர்ப்பவர்களிடம்
பிறப்பதுண்டா
–
தமிழர்களே
அலங்காநல்லூர்
தமிழர்களே சிந்தியுங்கள்
–
காளைகளைப் பிடித்தது போதும்
இனியாவது
எலிகளைப் பிடியுங்கள்
நாளைய உலகம்
கம்யூட்டர் (“மவுஸ்”)
பிடிப்பவர் கையில்தான்
இருக்கிறது…!
–
——————————–
காளைகளே…என்ற தலைப்பில்
திரு ஏ.வி.கிரி எழுதிய
சிந்திக்க வேண்டுகிறேன் – கவிதை நூலில் ஒரு கவிதை