நானும் கவிஞனே

கடந்த பாதையை மறக்க மறக்கிறேன்
செல்லும் பாதையை மறந்து தவிக்கிறேன்
வெட்கம் மானம் இழந்து நிற்கிறேன்
வலி வேதனை விழைந்து அழைக்கிறேன்
நிலை வாசல் தன்னை நிறுத்தா திருக்கிறேன்
என் நிலை உனக்கு அறிவிக்க முயல்கிறேன்
வருவாயோ வாராயோ அறியா திருக்கிறேன்
ஏமாற்றம் வந்தாலும் ஏற்க விழைகிறேன்.

நான் உன்னை காதலிக்கிறேன்

காதலித்தாலே ரைமிங் (இயைபு) வந்துடுது...

காதல் சுகமானது
காதல் இரவாதது
இரந்து வருவது காதல் அல்ல
இறவாது இருப்பதே காதல்....

ஒ அமர்க்களத்தில் இன்னுமொரு கவியா?
அருமை அருமை 
கவிதை படைப்புகள் தொடரட்டும்

@முரளிராஜா wrote:ஒ அமர்க்களத்தில் இன்னுமொரு கவியா?
அருமை அருமை 
கவிதை படைப்புகள் தொடரட்டும்

புலவரை ஆதரிக்கும் புரவலர்
இன்னும் உண்டு இந்நாட்டிலே
பாராட்டி பரிசு தந்தார் அன்று
பாராட்டே பரிசாய் தந்தார் இன்று

------
கவி எழுத நான் கவி அல்ல
கவிதை எழுதித்தான் பார்ப்போமே
என்ற பேராசை தான்!

நீங்கள் கவிஞர் இல்லை என்று யார் சொன்னது?

ந.க.துறைவன் wrote:நீங்கள் கவிஞர் இல்லை என்று யார் சொன்னது?

நீங்கள் உண்மையான கவிஞர்
பிஞ்சு கவிஞனையும் கொஞ்சி கொண்டாடி
பெருந்தன்மையாய் பொய் உரைத்து
வாழ்த்துக்களை தெரிவிப்பதால்
நீங்கள் உண்மையான கவிஞர்

------
கவி எழுத நான் கவி அல்ல
கவிதை எழுதித்தான் பார்ப்போமே
என்ற பேராசை தான்!

கலக்குறீங்க ஸ்ரீ

நானும் ஒரு கவிஞனா? இல்லியா? சொல்லுக முகி  

அருமை அருமை

@ஜேக் wrote:நானும் ஒரு கவிஞனா? இல்லியா? சொல்லுக முகி  

     

நண்பர் ஜேக்
சொல்வீர் நிறைய ஜோக்
கவியா நானும் என இயம்புகிறீர்
இல்லை என சொல்ல இயலவில்லை
கவியல்ல நண்பா நீ......
விகட கவி அன்றோ?